ABŞ dövlət katibi Marko Rubio etiraf edib ki, Putin və Zelenskinin iştirakı ilə iki və ya üçtərəfli görüş haqda "aydın razılıq" yoxdur, "lakin buna necə nail olmaq barədə müzakirələr gedir".
Tramp: Putin və Zelenskinin görüşünə hazırlıq başlanıb
D.Tramp Putin və Zelenski arasında mümkün görüş üçün hazırlıqlara başladığını bildirib.
Görüşün yeri daha sonra müəyyənləşdiriləcək, - o, "Truth Social" hesabında yazıb.
Vurğulayıb ki, Rusiya və Ukrayna prezidentlərinin danışıqlarından sonra onun iştirakı ilə üçtərəfli görüş keçiriləcək.
Tramp Putinə zəng etdi
Rusiya prezidenti Vladimir Putinlə ABŞ prezidenti Donald Tramp arasında telefon danışığı olub. O, təxminən 40 dəqiqə davam edib, - bu barədə Putinin köməkçisi Yuri Uşakov məlumat verib.
Tramp Putini Ağ evdə Ukrayna prezidenti Volodimir Zelenski və Avropa ölkələrinin liderləri ilə danışıqları barədə məlumatlandırıb.
Uşakovun sözlərinə görə, söhbət zamanı liderlər Rusiya və Ukrayna nümayəndə heyətləri arasında birbaşa danışıqlara dəstək ifadə ediblər. Həmçinin bu danışıqlarda Moskva və Kiyev nümayəndələrinin səviyyəsinin yüksəldilməsi ideyasını müzakirə ediblər.
Tramp-Zelenski-Avropa liderləri bir arada
Trampın Avropa liderləri ilə çoxtərəfli görüşü Oval kabinetdə deyil, Ağ evin banket zalında baş tutub. Tramp və Zelenski ora bir yerdə gəliblər.
Aİ liderləri ilə danışıqlardan əvvəl Tramp Zelenski ilə təkbətək görüş keçirib.